Llinia llateral
De Uiquipedia
Nos pexes la llinia llateral ye un órganu sensorial emplegáu pa deteutar movimientu y el tremar nel agua d'alrodiu, lu qu'aida al pexe a evitar colisiones, a orientase en rellación a les corrientes d'agua, y llocalizar la presa. Les llinies llaterales davezu visibles como llinies seles que recuerren ca llau dende les cercaníes del opérculu (cadarma que cubre les branquies) fasta la bas de la cola. Delles vegaes partes d'esti muérganu son modificaes comu ellectrorreceutores, que son muérganos que deteuten impulsos llétricos. Ye posible que vertebraos comu los tiburones empleguen tamién les llinies llaterales pa deteutar campos magnéticos. La mayoría de les llarves y dellos adultos d'anfibios tamién poseen esti muérganu.
Los receutores que componen la llinia llateral son los neuromastos, caún compuestu d'un grupu de célules ciliaes. Los cilios tan arodiaos per una cúpula sobresaliente, d'ente 1/20 a 1/5 mm de llargu. Les célules ciliaes y les cúpules de los neuromastos tan davezu baxo un furacu visible nos pexes. Les célules ciliaes de la llinia llateral son asemeyaes a les célules ciliaes que s'atopen nel oyíu internu, amosando que la llinia llateral y l'oyíu internu comparten un orixe común.
Los teleósteos y eslasmobranquios tienen comúnmente canales de la llinia llateral, nos que los neuromastos nun tan direutamente espuestos al ambiente, pero atópense comunicaos per poros de la canal. Puen apaecer neuromastos adicionales en dellos llugares de la superficie corporal.
El desendolcu del sistema de la llinia llateral depende del mou de vida del pexe. Por exemplu, los pexes que son nadadores activos tienden a tener más neuromastos nes canales, y la llinia tará más lloñe de les aletes pectorales, lu que probatiblemente reduz la cantidá de "ruíu" que se xenera pol movimientu de les aletes.
Dellos crustáceos y cefalópodos tienen órganos asemeyaos.
[editar] Imaxes
 Delles escames de la llinia llateral de rutilu (Rutilus rutilus) |
 Los pequeños furaquinos na tiesta d'esti lucio contién neuromastos del sistema de la llinia llateral. |
.jpg) Llinia llateral visible en Scorpis violacea |
 Xenopus laevis col muérganu la llinia llateral visible como llinies oblongues blanques. |
[editar] Referencies
- A.N. Popper and C. Platt, "Inner ear and lateral line", in The Physiology of Fishes, 1st ed. (CRC Press, 1993)
- N.A.M. Schellart and R.J. Wubbels, "The auditory and mechanosensory lateral line system", in The Physiology of Fishes, 2nd ed. (CRC Press, 1998)
